حضرت شعیب علیہ السلام کا واقعہ سناتے ہوئے ارشاد فرمایا کہ اتنے بڑے اولوالعزم پیغمبر لیکن قوم نے ان کی ناقدری کی، ان کے جانوروں، بکریوں کو پانی پلانے والا کوئی نہ تھا، ان کی لڑکیاں جایا کرتی تھیں، ایک کنویں میں کھڑی رہتیں، جب سب لوگ پانی پلا کر چلے جاتے تو بچا کھچا پانی یہ بیچاریاں پلاتیں، ان کم بختوں کو ذرا ترس نہ آتا تھا۔

ایک جگہ تقریر میں میں نے کہا تھا کہ آج امت کے اندر سے عالمِ دین کی عزت واقعۃً اٹھ گئی۔ حضور صلی اللہ علیہ وسلم نے ارشاد فرمایا کہ ’’جو عالم کی عزت نہ کرے وہ ہم میں سے نہیں‘‘ یعنی وہ ہمارا آدمی نہیں۔ آج امت میں عالم کی عزت عالم ہونے کی حیثیت سے کوئی نہیں کرتا، جو لوگ کرتے بھی ہیں وہ دوسرے خیال سے کرتے ہیں، یا تو کوئی رشتہ داری ہوگی، یا دوستانہ تعلقات ہوں گے، یا کوئی غرض وابستہ ہوگی، اس لیے عالم کا ادب اور اس کا کچھ خیال کر لیتے ہیں، محض عالم ہونے کی بنا پر کوئی نہیں کرتا (الا ما شاء اللہ)۔

ورنہ اور بھی دوسرے عالم ہیں، سب کے ساتھ ایسا ہی معاملہ کرتے ہیں۔ صورتِ حال یہ ہے کہ دکان میں اگر کوئی عالم صاحب رسید لے کر پہنچ جائیں تو رسید لے باہر کھڑے ہیں اور دکان دار صاحب کی گدی پر اندر بیٹھے ہیں، کچھ پرواہ نہیں۔ اگر کچھ بات کی جائے تو کہتے ہیں: مولانا! ذرا ٹھہریے، آپ تو دیکھ رہے ہیں بھیڑ لگی ہے۔ اب بیچارے عالم صاحب کھڑے ہیں اور اگر کوئی ملنے والا دوست آ جائے تو اس کے ساتھ بھی ہنسی مذاق کرتے ہیں۔ اس سے تو اچھی طرح ملاقات کرتے ہیں، گلے سے اپنے پاس بلا کر اس کو بٹھاتے ہیں، کہیں جانا ہو تو لڑکے کو بلانے میں کوئی حرج نہیں، چائے لے جا کر کھول کر رکھ دو، ناشتہ کراؤ، میں ابھی تھوڑی دیر میں آتا ہوں۔ کسی عالمِ علم کے ساتھ بھی یہ برتاؤ کرتے ہیں؟ یہ تو حال ہے اس امت کا۔